ما كل من يمشي مع الناس معـروف
وما كل مـن خالـط رياجيـل رجـال
طبع الرجل لا صار واضح ومكشـوف
مايعرف النمـام منفـذ ومدخـال
تلقاه ضايـع بيـن الأفعـال مكفـوف
أفعـال طيـب مـا بهـا ذم ينـقـال
لو جاه من بيـن الملاقيـف ملقـوف
مـا يلتفـت يمـه ولا يشغـل البـال
طبعه ثقيل ماهـو للسـب مجـروف
هادي ولاهمـه مـن القيـل والقـال
ما هو ردى منـه ولاطبـه الخـوف
يخشى من الزلات في كـل الأحـوال
وان زل مرة ماهدى داخـل الجـوف
مشغـول فكـره يـم الأعـذار ميـال
صادق ولايحتـاج برهـان وحلـوف
وما هو من اللي بين الاصحاب يحتال
من طاب صيته ماهو بالناس مكلـوف
والعيب لو يركب ترا صعـب ينشـال
ومن شان صيته عاش منفي ومحذوف
منبوذ من يمشي على درب الاهمـال
ما يستر الرجال قطعة مـن الصـوف
مثل المراه في لبسة الثـوب والشـال
طيب النوايا ماهي ابيـات وحـروف
وطيب الفعايل ياحلـو ذيـك الافعـال
