استاحـشـت نفـسـي بـعـد غـبــت عـنــي
كيف الجسد يصبـر علـى غيبـة الـروح
أبــكـــي عـلـيـكــم والـلـيـالــي بــكــنــي
وأشكي علـى قلـب مـن البعـد مجـروح
كــان الخـطـا ياصـاحـبـي جـــاك مـنــي
راع الهوى في بعض الأحيان مسموح
واعــرف تـــرا حـبــك بقـلـبـي سـكـنـي
مــن حبـكـم بـانــي بـنـايـات وصـــروح
واعـرف تـرا ســود الهواجـيـس جـنـي
والحال حال اللي مـع النـاس مفضـوح
لامــن ذكـرتـك بـيـن الاصـحــاب كـنــي
قـيـس المـلـوح لابـــدت حـــزة الـبــوح
والـيـا ذكـــرت عـيـونـك الـلــي رمـنــيه
لـت دمـوع فـوق الاوجــان بـوضـوح
وكـل مــا ذكــرت خــدودك الـلـي بلـنـي
وخشـم تسـاوى بيـن الاعيـان ممـلـوح
ذيـــــك الـلـيـالــي بـالــهــوى ولـعــنــي
حــب الطـهـاره مــا يخالـطـه مصـلـوح
ذيــــك الـتـجــارب بـالـهــوى عـلـمـنـي
راع الهـوى بالحـب والطـيـب مـمـدوح
ليست هناك تعليقات:
إرسال تعليق