ياسعود ما تذكر بحفلـة تخرجهـا
يوم الثلاثا ودمـع العيـن همالـي
رحنا وجينا وهي فـوق بمدرجهـا
مع طالبات السياسة شفتها قبالـي
قلت أبتعد ماتحرك يمكن احرجهـا
واحرج غزال معاها يرأف لحالـي
ياسعـود والله يـاودي اهرجـهـا
يومن بدتلي معاها العـز تختالـي
كنها شيوخ الحفل جتهـا تخرجهـا
وكن الحفل لاجلها عن بد الأعمالي
ريمية العين جـد خلـت تبرجهـا
والشعر الاشقر عليه الكاب والشالي
والوجه مثل القمر والزين مكيجهـا
والرمش غطى العيون اللي تهيالي
والروح ياسعود من ذا اللي يعالجها
ما فاد صبري ولاوسواس عذالـي
الحب قصة وشر الحـظ يخرجهـا
هذه حقيقة وطبـع الحـق ينقالـي
يا سعود خليتها والـرب يفرجهـا
يوم الثلاثا ودمـع العيـن همالـي
ليست هناك تعليقات:
إرسال تعليق