كنت انتظر كلمة مـن القلـب تنقـال
لا واحسافـة خاطـري ماسمعـهـا
هلت دمـوع العيـن والدمـع همـال
محدن يصبرهـا ولا أحـدن منعهـا
وضاعت حروف الشعر والشعر مازال
ذكرى القلوب اللـي يبيـن وجعهـا
وصار الأمل مفقود والشـك يحتـال
شال الظنون اللـي زمانـه صنعهـا
أثر الزمن ملعـون قـلاب الاحـوال
خلا المشاعـر تنقلـب فـي ولعهـا
وجاب المشاكل والمصايب والاهـوال
دنيـا غريبـة خاسـر مـن تبعهـا
جرح الهوى مع طعنة الحظ والفـال
فاتورة العشـاق قلبـي دفعهـا
ما تندفع بالكاش مـن راس الامـوال
مدفوعـة بدمـوع خـدي جمعـهـا
لاجل الهنوف اللي لها القلـب ميـال
تجـذب سوالفهـا ويسحـر دلعهـا
يا رب ترزقها مـن الـرزق بعيـال
سبع السحايب وحـدك اللـي رفعهـا
ليست هناك تعليقات:
إرسال تعليق