ياعيوني علامـك ياعيونـي تنثريـن الدمـوع المستفيضـة
فوق الاوراق مع بيض الوسايد ما تركتي حزين في منامـة
ضعت بين الوساوس والظنوني حتى روحي من الفرقا مريضه
ما تفيد الشكاوي والقصايـد ماتفيـد المولـع فـي هيامـه
لو اغني على زين الفنوني بالطواريـق والدنيـا عريضـة
ولو نشرنا القصايد بالجرايد واشتهرنا مع النـاس بغرامـه
مايرد الحبيب اللي يموني واللي حبه على الفطرة فريضـة
ماهي عشرة مصالح أو فوايد وصادق الحب باين في كلامه
ولو يقول العذول انه جنوني ماني قايل سوى هرج يغيضـه
ثابت القلب عشقي بالوكايد ما تبعـت العـواذل والملامـه
ياحمامـه تغنـي باللحونـي لاتمريـن بالنـاس البغيضـة
بلغي من تلبـس بالقلايـد بلغـي مـن نـوده يـا حمامـه
قولي من حبكم لا ما يخوني دام يقصد وكل شـي يهيضـه
واسرعي دام صار الهم كايد ورجعيلي مع الـرده سلامـه
ليست هناك تعليقات:
إرسال تعليق