الصوت
يامناور اللي خذت قلبي وراحت بعيد
تسكن بذيك القصور اللي تعرفونهـا
ماعاد تنفع دموعٍ تستفـز القصيـد
هذي عيوني تصب الدمع لعيونهـا
ليتك تقدم نصايـح بالمحبـة تفيـد
مادمت شاعر وفنك يجذب فنونهـا
الله بلاني بحـبٍ كـل يـومٍ يزيـد
والله بلاهـا عواذلهـا يزيدونـهـا
اللي تزايد هواها في مصب الوريـ
دماهمها لو علـى موتـي يعزونهـا
يامناور أخذ القوافي والمحبة تعيـد
قصة محبٍ مثل ليلـى ومجنونهـا
الصدى
هجوس فكري جذبها القاف عيّت تهيد
هيضتني لين نفسي بـاح مكنونهـا
ذكرتنـي يامحمـد بالغـزال الفريـد
حدوه عني وعينـي هـل مخزونهـ
ايامحمد الله بخلقه يفعل اللـي يريـد
أقفا وحلو الليالـي قفـت ضعونهـا
لابأس وتلقا بداله والعـذارى عديـد
واجد من الناس دروب الحب يمشونها
من راح خله بفاله وخل شوحك بعيد
لاشك مانتـه مخاشرهـم بماعونهـا
مذكور مايتبع المقفيـن كـود البليـد
والنفس لاخير فـي مـن لايعزونهـا
ليست هناك تعليقات:
إرسال تعليق